Kaupapa: Education

He tūranga hou, he pukapuka hou mā Te Manahau rāua ko Stacey Morrison

  • Tāmaki Makaurau

He pouako hōu a Scotty rāua ko Stacey Morrison ki Te Pūtahi a Toi, arā, ki te kura Māori o Te Kunenga ki Pūrehuroa. He ekenga tēnei e āpiti atu ana ki te putanga o tā rāua pukapuka reo Māori hou, Māori At Home.

He pukapuka hou hei tautoko i ngā whānau ki te kōrero Māori ki rō kāenga.

Ko tā Morrison, "Nā māua ko taku wahine tēnei pukapuka i tuhi i tito i runga anō hoki i te tekau mā tahi tau ō māua e wheako ana i te whakatipu tamariki ki te reo Māori."

E ai ki a Te Manahau, tauhou mai, matatau mai, ka whai hua te katoa.

Ko tāna, "Ko ngā kupu whakamihi ētahi o ngā horopaki, te haere ki tātahi, te haere ki te tokomaha hei mua i te kura, hei muri i te kura, te awhina i ngā tamariki ki te mahi i wā rātau mahi kāenga mai i te kura."

Rua tekau mā rima tau a Te Manahau e whakaako ana ki ngā whare wānanga me ngā kura reo, hei tāna ka mahue te reo ōpaki.

Ko tā Morrison, "Kāre tēnei momo reo i te whakaakona ki ngā tauira, te reo o ia te reo o roto te kāenga, te kī whakakā i te rama, hīreretia te wai heketua ērā momo rerenga kōrero kāre i te whakaakona."

Ehara i te mea e aro nui ana ki te wetereo, ēngari e aro nui ki te awhina i te tangata ki te kōrero i te reo.

Kua tohua a Te Manahau rāua ko Stacey Morrison hei kaiarahi Māori ki Te Kunenga ki Pūrehuroa.

Ko tā Morrison,"Ki te āta taunaha i ētahi ara hou, mei kore e tūpono ka piki te ora o ngā kaupapa i roto i te whare wānanga whānui, ehara i te mea i roto i Te Pūtahi ā Toi anake."

Hei te tau e heke mai nei ka oti i a Te Manahau tana tohu kairangi, ā, ka whai a Stacey i te Tohu Paerua.