He tūmanako kia noho reo rua a Tauranga

Mere McLean
  • Waikato/Te Waiariki

Kua roa te kaiwhakapaoho o Moana AM nei a Pat Spellman e tautoko ana i ngā kaupapa Māori, na tērā, i te wa i whakarewaina tana kaupapa kia reo rua te taone o Tauranga Moana, ko te whainga kia hikina te reo Māori.

Hei tā Mita Spellman, “He ara tēnei kia whai wāhi ai ngā whānau o Tauranga moana, turuhi mai, hunga kāinga mai, manuhiri mai ranei, ki te whai māramatanga ki tēnei wāhi.”

Ko tētahi o ngā whāinga ko te whakatū tohu reo rua, kia reo Māori, kia reo pākeha ano hoki ki te rohe o Tauranga, he tuahuatanga e tautokohia ana e te heamana o Te Runanga o Ngai Te Rangi, e te kaiwhakahaere hoki i te reo irirangi o Moana AM, e Charlie Tawhiao. 

Hei tā Charlie Tawhiao, “Kia tatau, kia matou o te reo irirangi, ko te nuinga o ngā mea pākeha o konei e tautokohia ana i te reo.”

E toru ngā wahanga o tēnei kaupapa hei whakahiki i te reo Māori ki roto o Tauranga Moana, engari ko te mahi nui he takahuri i ngā whakāro o te hunga o konei. 

Hei tā Mita Spellman, “He nui ngā kōrero whakahē, he nui hoki ngā kōrero tautoko, a, ahua ohorere ētahi whakaaro i kitea i te ao papāho, i reira ētahi e whakaputa ana i o rātou whakaaro, a, hanga kiriweti ana ētahi.”

Ko te whainga o tēnei kaupapa kia noho reo rua te taone o Tauranga, a ko te tumanako ka puta enei hua hei te wiki o te reo Māori hei te Hurae e hāere ake nei.