Kaupapa: ANZAC

He tuao o te Kīngitanga kua tuhia tōna pukapuka tuatahi, Maiea te Tupua

  • Waikato/Te Waiariki

Ko ngā pakiwaitara mō ngā hoia Māori o Waikato i haere ki te pakanga tuatahi o te ao, ka kōrerohia mā tētahi whakakitenga, mā te pukapuka me te kopae whāataata anō hoki.  Nā te tuao o te Kīngitanga, nā Tom Roa ngā korero a ngā uri i rangahau, hei tuhi ki tāna pukapuka tuatahi.

Ko tā Roa whakamārama,  "Ko a rātou mahi kaua mō te whanau noa iho, engari mō te hapori, ko tā māua ko Maia he patai ki ngā whānau he aha te take i haere ai enei tama ki te pakanga?"

E ai ki a Roa mō tēnei pukapuka tuatahi āna, nā ngā takapiringa i pā mua i te pakanga i whakatau i te turanga o Waikato ki te pakanga.

"Ka tono mai te Karauna Pākehā, te Karauna o Ingarangi, nāna te raupatu i whakaeke ai i riro ai i a ia ngā whenua o Waikato, ka tonoa mai kia haere ngā tama o taua wā ki te tautoko o Ingarangi."

Hei āpōpō ka huraina te pukapuka me te kōpae ki Pūrekireki Marae, ā, i tēnei pō tonu ka huaki te whakaaturanga ki Te Whare Taonga o Waikato.