Kaupapa: Kapa Haka

He tū whakamaumahara tō Awanuiārangi

Mere McLean
  • Waikato/Te Waiariki

Tokowaru ngā rōpū kua tū kaha ki ngā whakataetae kapa haka ā rohe o Mātaatua ki Te Teko. Heoi, mo te kapa o Awanuiārangi i tū rātou hei whakamaumahara ki a Te Makariini Temara, kaitito, kaihaka ki roto i te rohe.

Koinei ngā kaimahi, tauira o Te Whare Wānanga o Awanuiārangi, mo ētahi ō rātou koinei te wā tuatahi kua haka rātou ki roto i tēnei huinga. Hei tā Waitangi Black, “Tino miharo taku tū, te tū a te rōpū o Te Whare Wānanga o Awanuiārangi ki ahau, tino mīharo.” He kapa hōu, i tū rātou hei whakamaumahara i a Te Makariini Temara, he kaimahi o mua o te wānanga.

“Kore e mutu te aroha mōna, kei te tangi tonu mātou, kei te hotuhotu tonu mātou mōna.” Ko tā Wiremu Doherty Kaitātaki Tāne o Awanuiārangi, “tētahi āhuatanga o te ngākau kei te ahua pouri, na te mea i tēnei wiki e tū mai nei, tana kotahi tau, ā, kotahi tau o tana ngarohanga i waenganui i a tāua.” Ko te rohe o Mātaatua tētahi o ngā rohe uaua ki roto i te motu, ko ngā rōpū pēnei i Te Whānau a Apanui me Ōpōtiki mai Tawhiti kei te whai i ngā tūranga teitei. “Kei hea i tūatu i te haka, ki te whakaatu i ngā nawe, ngā riri, ā, o ngā hapū, o ngā whānau o ngai tātau te ao Māori.”

E tekau mā waru, katoa ngā kappa, tokowaru kua oti nei te tū ki runga i te papa whakatūtū waewae i tēnei rā.