Ngā kaupapa: Crime, George Taiaroa

He tono tā te whānau Taiaroa ki te marea

  • Waikato/Te Waiariki

I te wā i hopungia tētahi  whakaahua ā-whānau ki Whaingaroa e rima tau ki muri, kāore rawa tēnei whānau i paku whakapono ka pākia rātou e tēnei momo aituā.

I a Taiaroa, e ono tekau mā whitu tau te pakeke, e tohutohu motokā ana, i puhia ia e tētahi nanakia, e whakapaetia ana, i te hautū i tētahi waka Jeep Cherokee kikorangi i taua wā, ā, e kimihia ana te waka nei e ngā pirihimana huri noa i te Ika-a-Māui.

E kiia ana a George he hūmārika, he pukumahi, me te aha, kāore hoki āna tamariki i rīria e ia.

E noho kohukohu tonu ana te whanau Taiaroa mo te take i pēneitia ai to rātou pāpā, ki tā rātou hoki, ehara i te mea he raru huna o George i hoki mai ki te ngau i a ia.

E kimi tonu ana ngā pirihimana i te take i pūhia ai a George, engari e mōhiotia ana te wāhi i mate ai ia mō te taru kino, a, ko tā rātou e whakapae nei, ehara tēnei i te puhipuhitanga poka noa.