He tono kua puta ki te whakapiki i te pūtea tautoko mā Tū Wahine

  • Tāmaki Makaurau

Ko Tū Wāhine he roopu awhina i te hunga kua tūkinotia, kua raweketia, kua pākia e ngā mamaetanga o te mahi pāwhera.

I whai wāhi ngā mangai o te roopu nei ki te whakatakoto i ta rātou tono ki mua i te aroaro o te Komiti a te Kāwana, mō ētahi rauemi me ngā putea, e taea ai te tutuki pai ia ratou mahi.

He karanga kaha kua puta mai i te kaiārahi o taua rōpū ki te whakamarama atu ki te kāwanatanga, he aha pū a rātou mahi. 

Hei tā Stella Gukibau, “Ko ahau te tumuaki o Tū Wāhine Trust, kei te tari o Tū Wāhine ki Waitakere, ko te kaupapa, mahi tūkino.”

Ko te Komiti Ratonga a Iwi, he komiti kawanatanga, ko rātou ka whiriwhiri i ngā āwangawanga, me ngā nawe a ngā roopu hapori nei, a ka whakarite ai i ngā huarahi e taea te kawana ki te awhina ia rātou.

Hei ngā marama e heke mai nei ka puta ngā whakatau a te Komiti Ratonga a Iwi.