Kaupapa: Education

He tono aukati ki ētahi mema poari ō-mua o Hato Petera

updated
  • Tāmaki Makaurau

Kua tuku te Kura o Hato Petera i ētahi tono aukati ki ētahi mema poari tokotoru o mua o tōna poari whakahaere, i runga i ngā whakapae e whai wāhanga atu ana rātou ki ngā heitara e tāmi nei i te kura me ōna kaimahi.

I hui te Poari o Hāto Petera me te Pīhopa Katorika o Tāmaki Makaurau me Patrick Dunn īnapō ki te kōrero i ngā take kua puea ake i te hunga pāpāho mō te oranga o te kura ki tua.

Hei tā Bishop Dunn, ko te āhua nei e tūtahi ana ngā mema katoa o te poari.  Ko tāna anō, ko aua tokotoru rā i aukatia kua whai wāhanga nui ki te kura i roto i ngā tau, ā, e manawapā ana ia i te tau pēnei o te take.

Heoi, e ai anō ki a ia kua eke te wā ki te poari hou me āna whakahaere, ā, me heke te huru mā hei oranga mō Hato Petera.

Mō te roanga o ngā kōrero e pā ana ki te rīhi o te whenua e tū nei te kura, me te hekenga o te tokomaha o ōna ākonga, tahuri mai ki Te Kāea, 5:30pm.