He tōnamana mekemeke hei whakamana i te hunga wāhine - Pūrongo Motuhake

Mere McLean
  • Waikato/Te Waiariki

I ngā wā o mua kakari ai te hapori o Kawerau nā runga i ngā kōrero pāpāho kikino me te poapoa i runga i tō rātou taone. Hēoi i tēnei wiki i tū ko te po mekemeke Mana Wāhine.

Hei tā Warwick Godfrey, “I ngā wā o mua kakari ai te hapori o Kawerau nā runga i ngā kōrero pāpāho kikino me te poapoa i runga i tō rātou taone. Hēoi i tēnei wiki i tū ko te po mekemeke Mana Wāhine.”

“Ko te tino putake o tēnei whakataetae kia whakanui i o tatau wāhine, kia tu maia, kia tu pakari, a hinengaro, a wairua, kia maia, he tauira ēnei wahine mō ngā wāhine taiohi, ēnei wāhine i ahu mai i ngā whakawhiu kua tau ki runga i te whānau, kua tiro rātou ki tētahi huarahi ke atu, kei te whakamahi i tēnei hakinakina hei hiki i a ratou.” 

Ehara i te mea he tauhou a Warwick Godfrey ki te hunga papaho, i ngā wa o mua he mema ia no te kenge mangaru, i ēnei ra he kaikaunihera ia ki Kawerau, e mōhio whānuitia ana ia mō ana mahi hapori, a, koia tēnei e whakāko ana i tēnei kahui mana wāhine.

E rua tau tēnei whakataetae mekemeke mana wāhine e whakaritea ana. Mo te nuinga o ēnei kaimekemeke, koinei te wa tuatahi kia kuhu atu ai ki roto i te papa mekemeke, otira, mo tēnei mama rangatahi, he mahi nui mana ki te hāere ngā whakaharatau.  

“Kāre e mutu ngā mihi ki taku whānau, mei kore ake rātou e tiaki ana i taku pepe, he pai taku hoa taane hoki. 

Ka oho au, ka hari i taku pepe ki te puna kohungahunga, ka hāere au ki te whakapakari, ka mutu moata kia whai wāhi au ki te horoi, ka hāere au ki te mahi, ka hoki mai ki konei ki te whakaharatau, ka hoki ki te kainga, ka pera ano ahau.” 

Ko te wairua whakawhanaunga he mea pai ki ēnei kaimekemeke wāhine, a, he whare mekemeke kore utu tēnei, ko te whai kaha, whai maia ke te utu. 

Ko atu i te whitu mano ngā tangata e noho ana ki te takiwa o Kawerau, he hapori kua rongo i te whakawhiu, i te tau rua mano tekau, tekau ma tahi hoki i rongo i ngā ahuatanga o te hunga rangatahi e whakamate ana i a rātou ano, engari kei konei tonu ētahi o te hapori e kii ana, he tirohanga whakamua to Kawerau, pēnei i a Davina Thompson, tētahi o ngā kaimekemeke wahine ki roto i te whakataetae.

“In Kawerau and Aotearoa, it's just to stand up, you know, stand on your own two feet and be strong and be proud of who you are as a lady, because I think we have the most important job.” 

Tekau ma wha ngā kai mekemeke, tokowhitu ngā tutakitanga, i te tangi o te pere ko rātou katoa i toa. 

Ko te mana o te wāhine te tirohanga nui ki roto i tēnei kaupapa i te po nei, engari ehara i te whakāro hou ki roto i te ao Māori. 

Mena rā he kōrero taunaki hei uta ki runga i tēnei kaupapa, ko tēnei, ko ngā wāhine Māori o enei ra e kapo ana i te wairua o Papatuanuku, Hineahuone, Hine Titama, i a Hine nui i te po.