Kaupapa: Crime

He tokotoru o te Māpu Mangarū kua hinga i tētahi aituā nui

Wepiha Te Kanawa
  • Te Tai Rāwhiti

Kotahi rau rima tekau mita ki te awa o Mōhaka, ki reira mate ai.  Heoi e āwangawanga ana ngā Pirihimana.

I te haere a Terry Stone, Ronald Rigby rātou ko Nathan Isaac ki te huritau rima tekau o te Māpu Mangaru i konei i te hōtera o Te Aute i Heretaunga.  Heoi nā te āhua o ngā tohu ki te wāhi mate, e rapu ana ngā Pirihimana i tētahi motukā kikorangi nō Hapāna, kua tukia nei a mua, i runga i te whakapae i whai wāhanga ia ki te aituā.

E ai ki tētahi māngai māpu, ko Mōhaka he takiwa Mangu Kaha, he hoariri ki te Māpu Mangaru.  I mea mai tētahi ki a Te Kāea e mahi tahi ana te Māpu Mangaru me ngā Pirihimana, ā, "he mahi taumaha kei te haere." 

I kōreko a Te Kāea ki te Perehetini o te Māpu Mangaru o Heretaunga ki a Rex Timu engari kāore ia i whakaae ki te kōrero ā kāmera mai, heoi e karanga ana ia ki te marea mēnā he kīnakitanga au mō te whakatewhatewha tēnā whakapā atu ki ngā Pirihimana.