Kaupapa: Queen's Birthday Honours

He tokorua nō Rotorua kua whakahōnoretia e te Kuini

Mere McLean
  • Waikato/Te Waiariki

He kanohi rongonui tō Mauriora Kingi rāua ko tō Minarapa Mitai-Ngatai ki Rotorua, rāua tahi kua whakanuia ki roto i te rārangi whakanui a te Kuini i tēnei tau.

Ahakoa tōna reo iti, he tūnga nui tōna ki roto i ngā hui me ngā kaupapa Māori ki Rotorua nei, ā, mo ana mahi kua whakawhiwhia ia ki te tohu a te Kuini.

Hei tā Minarapa Mitai-Ngatai, “He mea nui, tino nui ki ahau, ā, nā te mea he pai mō te iwi Māori, me taku whānau, me ngā rangatahi kia kite ai rātou ka tae rātou mēnā e hiahia ana.”

E mōhiotia whānuitia ana a Mauriora Kingi mō āna mahi ki roto o te Kaunihera ā-rohe o Rotorua, kua whai wāhi hoki ia ki ngā tohu a te Kuini, kua whakawhiwhia ki te tohu a te mema o Aotearoa mō āna mahi mā te Māori.

Hei tā Mauriora Kingi, “Ka nui te whakaiti, kei te whakaiti katoa au, whakaiti te ngākau, ā, ki te hunga na rātou ahau i tuku.”

Ko tā Mauriora Kingi, whai muri i te taenga atu o te reta whakamārama i tērā marama i te rapu ia i te tangata i tuku i tōna ingoa, ā, i te ata nei na tētahi i mea atu ki a ia na tōna iwi tonu a Tūhourangi-Ngāti Wāhiao i tuku i tana ingoa.

Ka haere a Minarapa Mitai-Ngatai rāua ko Mauriora Kingi ki Te Whanganui a Tara ki te whiwhi i a rāua tohu.