Kaupapa: Business

He toka mātauranga tā tētahi ohu taiohi a EZY.com

  • Tāmaki Makaurau

He kaupapa hei whakapiri, hei whakatata i te tangata whenua me ngā tūruhi ka tae ki Tāmaki Makaurau.

Koia nei tā te kamupene EZYcom, he tauira mai i te kura tuarua o te hāhi Seventh Day Adventist o Tāmaki, nā rātou nei i hanga tētahi toka mātauranga, e kiia nei, he Pitopito Kōrero.

Ko Hetoa Vilisoni, Guenevere Tuiloma, Inoke Anasi me Josiah Ah Tune, te tokowhā na rātou i hanga te toka tuku mōhiotanga.

He toka ka whakatūhia ki ngā wāhi turuhi o Tāmaki whānui, ā, he māmā noa mō ngā turuhi te toro atu, te whakamahi hoki.

Ahakoa he tauira noa iho tēnei toka, ko tā ngā kaiwaihanga tokowhā nei, he tino taonga tēnei kua hua ake i te kaupapa Young Enterprise Scheme, me te tūmanako ka kitea ki Tāmaki Makaurau whānui tonu hei ngā rā tata nei kei mua.