Kaupapa: Queen's Birthday Honours

He Tohu Kuini nā tētahi wahine mō ngā tāngata whai hiringa o Kaitaia

Heeni Brown
  • Te Tai Tokerau

Ko Naomi Austin-Reid o Kaitaia tērā kua whakarite i ōnā ake Tohu Kairangi o Te Kuini me te hoatu taonga ki ētahi tangata mō tā rātou mahi nui mō te hapori o Te Hiku o Te Ika.

E whakatinana ana a Naomi Austin-Reid i Te Kuini o Ingārangi, e tuku ana i āna ake nei Tohu a Te Kuini. He kaupapa

He kaupapa e whakamarumarungia ana e #ILoveKaitaia, i hangaia e ia kia whai kaupapa pai ai a Kaitaia. 

I tohua a John Windleborn mō āna mahi ki te kura o Paparore, a Sandra rāua ko Chris Henare mō ā rāua mahi kapa haka, a Gloria Harrison mō tana neke i te rua tekau mā rima tau e mahi netipāoro ana me Ashley Waitai-Dye mō tana arahi i te hunga rangatahi.

Engari, ko Lois Strong te tangata whai mana ki a Naomi, mō tana tunu kai mā ngā nēhi Hospice me tana ruku ki ngā kaupapa kohi pūtea maha. 

E kore ngā mahi o Naomi i raro i a #ILoveKaitaia e mutu i konei, engari e whakaritea ana e ia tētahi kaupapa pēnei nā mō Matariki.