Kaupapa: Te Matatini

He tirohanga ki a Te Iti Kahurangi

  • Waikato/Te Waiariki

I ngā tau 10 nō te orokohanga mai o te kapa o Te Iti Kahurangi,  kei kō atu ngā taumata kua ekea e te kapa, ki ērā i manakotia e ōna kaiako, e ōna poutātaki.

Āpiti atu ki ngā tini taonga, ko te tohu tiketike mō te kapa toa tēnā i kapo ai i a rātou i ngā whakataetae a-rohe o Waikato. 

Heoi kātahi te tohu whakahirahira mō tēnei rōpū pūhou tonu ko te kapo ake i ngā taonga e 5 mō tā rātou tū tuatahi i Te Matatini i tērā wiki, kātahi ka whakawhiwhia ki a rātou ko te tūranga tuatoru o ngā kapa whiringa whakamutunga mō tā rātau tū whakamutunga.

Nō mātou o Te Kāea te whiwhi ki te hoki atu ki te wāhi i orokotīmata mai ai te kapa, te tūrangawaewae o Te Iti Kahurangi.

Kei a Amomai Pihama tēnei pūrongo.