Kaupapa: Te Rōpū Taurima Trust

He tirohanga hōmiromiro a Native Affairs ki tētahi ratonga tautoko i te hunga hauā

Wepiha Te Kanawa
  • Tāmaki Makaurau
Te Rōpū Taurima o Manukau Trust

Ko te mahi matua a Te Rōpū Taurima o Manukau he tiaki i te hunga hauā, heoi kei te pōkai kaha ā-pūtea nei.

Waru marama ki muri i tīmata ngā mahi whakatewhatewha a Tony Teitei te kaiwhakahaere o te puku o te ika o Te Rōpū Taurima o Manukau, i te nui o ngā utu ki te whakatika i ngā waka o te rōpū.

I kōrero atu a Tony Teitei ki a Native Affairs i tīmata ngā utu ki te piki hāere i te wā i whakawhiti atu rātou ki tētahi kamupene whakatika waka hou ki Kirikiriroa e kīa ana ko Art Automotive, i roto i te kotahi tau i piki ngā nama mai i te whitu tekau mā ono mano, ki te kotahi rau whitu tekau mano tārā.

Kei te rere hoki ngā pātai mō ngā nama a tēnei tangata a Peter Horvarth i utua ki te whakatika i ētahi whare o te tarahiti, he toru rau whiti tekau mano tāra tāna i nama ai, i waenga i ngā marama rua tekau. Heoi kāre ana tohu hanga whare.

Ka haria e Tony ōna nawe ki te tumu whakarae a Malcolm Robson, me te aha, ka panaia a Tony Teitei nā te mea e ai ki a rātou, i takahi ia i ngā ture mō te kōrero matatapu.

Hei tā Tony, “Kua tino tūmeke au ki tēnei āhuatanga, e aroha atu ana hoki ki ngā mokopuna e tautokohia ana e tēnei ratonga."

Kua māha te kaitiaki pūtea a Saul Roberts, ā, kei te hāere tonu ngā whakatewhatewha, me te aha kei te haria atu ngā nawe o ngā kaimahi ki ngā pirihimana.