Ngā kaupapa: Elections, Politics

He tino whakataetae kei te haere i waenga i nga kaitono matua mo Tāmaki Makaurau

  • Tāmaki Makaurau

He tino whakataetae e haere ana i te rohe pōti Māori o Tāmaki Makaurau, i waenga i te ihuputa, a Rangi McLean, kai-tono o Te Pāti Māori rāua ko Peeni Henare o Rōpū Reipa.

Āe marika he whakataetae nui e mahuta ake ana ki Tāmaki Makaurau. 

Titiro ana ki nga nama, ko Rangi McLean kei te rua tekau mā waru ōrau, kātahi ko Peeni Henare, e rua tekau mā whitu. Kotahi ōrau anake kei waenga i te tokorua rā. 

Nā, ko te kaitono o Mana, ko Kereama Pene kei te tekau mā whā ōrau, ā, kei muri rawa ko Marama Davidson o te Rōpū Kākāriki, e whitu ōrau. Ko te hunga kāore i te mōhio, tekau mā whā ōrau.

Ka mutu, ko te hunga kāore mō te tuku pōti, kāore rānei i te hiahia tautoko i tētahi o ēnei kaitono, he tekau ōrau. 

Tāpirihia aua whika e rua, ka rua tekau mā whā ōrau, ā, koia pū te kī ki te wikitoria i te tūru o Tāmaki Makaurau.