Kaupapa: Environment

He tīnihanga e pakari ai te ture ngāhere e pā ana ki te tukunga o ngā rawa kauri ki tāwāhi

Dean Nathan
  • Te Tai Tokerau

E karanga ana ko te koura mangu o te raki.  Nō te rā nei ka whakapuakihia e te Minita Ahu Matua a Nathan Guy ētahi āhuatanga hōu e pakari ai te ture ngāhere e pa ana ki te tukunga o ngā rawa kauri ki tāwāhi.  

He rā e tiro ai te Minita i te whānuitanga o ngā mahi kauri mai i te hahunga i te whenua.

Āmuri ka tirohia e te Manatū Ahu Matua te katoa o ngā taonga kauri kei te tonoa e ngā kaihoko ki tāwāhi.

He whakapuakitanga kahore e tau tika ana ki ngā kaitiaki taiao i te mea e kore e mutu te hokotanga o te kauri mata ki tāwāhi pērā i ngā papakauri, nā reira hei tā rātou ko te tūkinotanga o ngā repo me te koremahi te otinga ake.

Horekau he rerekētanga ki te ture engari ki raro i ngā whakahaere hōu e whaia ana kia mārama ake ai ngā mahi.