Ngā kaupapa: Business, Education, Water Safety

He tautoko mō ngā ture wai haumaru ake hōu ki te rohe o Te Waiariki

updated
  • Waikato/Te Waiariki

Kua whakaū ngā ture ā-rohe hou mō te haumaru ki rō wai i Te Moana a Toi. E taunaki ana te pakihi eke kōhuka a Kaitiaki Adventures i aua ture, ā, kua panoni ngā ture ki te mau kahu whakaora me te rehita i ngā momo papa reti moana. 

Mō kaiārahi mō Kayla Pene, ko te noho haumaru te matū kia manahau ai te hunga kiri māia i ngā wai o Rotorua.

Ko tā te kaiārahi o Kaitiaki Adventures, tā Kayla Pene, "Hei  mea nui mō tā mātou kamupene kia mau rātou wēnei koti maunu i ngā wā katoa, ka tino whakamau rātou wēnei ka kore rātou e toromi."

I te tuatahi o tēnei marama i whakamanahia ngā ture wai haumaru a Toi Moana, ki ngā kahu whakaora, arā, me mau i ngā wā katoa, i ngā momo waka ono mita te roa, iti ake rānei, māna ngā tohutohu kē atu a te kaihautū. 
Ki ngā papa reti moana, aha atu rānei, me rēhita ki te Kaunihera o Tāmaki Makaurau mā te ipurangi. 

Ko tā Tahana Arapeta (Bay of Plenty Council), "Ahua pōuri tēnā āhuatanga, ko ngā tatauranga nō tērā tau, e waru ngā tāngata i toromi, i mate. I te raumati kua pahure ake nei, kua taha ake nei, e toru ngā tangata i toromi o roto i ngā roto moana o Rotorua."

Nō te tau rua mano tekau mā tahi i toromi ai te taiohi a Bishop Thompson, tekau mā whitū tōna pakeke, he mea whiu ia e te papa reti moana i te roto o Okareka. Kīhai ia i mau kahu whakaora, pōtai haumaru hoki.

Hei tā Arapeta, "He tauira pai tēnā. Ahakoa te papōuritanga o tēnā āhuatanga, anā, tērā pea, ka whakaoho i a tātou, kia mōhio ai, kia tūpato tātou."

Ko tā Pene, "He mea tino pai tēnei whakaaro kia mau ngā tangata katoa wēnei koti maunu, nō te mea, ka kore te whānau ngā tangata katoa, huri noa i te ao e tae mai ki Aotearoa."

Ka tuku pānui ngā āpiha ki te hunga e takahi ana i ngā ture. Kei Te Tumu o Te Wahapu te whakatau rānei me tuku whaina mō ngā hara nui.