Kaupapa: Waitangi

He taupatupatu kei te haere mō ngā wāhanga ngāhere, ahuwhenua hoki o te Raki

  • Te Tai Tokerau

Nōnanahi nei tū ai te Hui Kōmiti Whāiti a Pūtea, ā, i puta hoki te whakahoki a te Minita a Pūtea, e pā ana ki ngā mahi whakapiki i te ohanga o te Tai Tokerau mō ngā wāhanga ngahere, ahuwhenua anō hoki, he pēhea hoki nei te waiaro o te rohe.

Me ngā pākihi ki ngā kaupapa kua whakahaeretia e te Kawanatanga ki te rohe i roto i nga tau.

Hei tā te kaikōrero ā-rohe mō Reipa, a Shane Jones, ko ngā kōrero i puta kē ia English, he tata i ngā moemoeā a tona hapori.

Hoino hei tā Pita Tipene, heamana o te Tarahiti Ngahere o Ngāti Hine, me areare pea ngā taringa a te Pirimia Tuarua, ki ngā mahi a ngā mema pāremata o Nāhinara, e kōkiritia ana mō ngā mahi ngaherehere ki roto o te Tai Tokerau whānui. 

Ā, hei tāna anō me huri kē te Minita ki te whakarauora i te  wāhanga ngahere, ahuwhenua hoki o te Raki, ka mutu, e kainamu ana tētahi hui hei whakapiki i te wāhanga ngahere, ahuwhenua o Te Tai Tokerau mō Waitangi a te wiki ko te heke mai.