He tāonga aroha kua ngaro mo tētahi whānau no Rotorua whai muri i te tāhaetanga o ā rātou taputapu

Te Kāea
  • Waikato/Te Waiariki

E noho raru ana tētahi whānau i Rotorua nā te mahi tāhae ki tō rātou kainga. I hoki mai a Vernon Te Pou me tōna hoa pumau a Wairuaiti Tumai mai te hararei me ō rāua tamariki e toru, ā kua whanakotia ngā perehana me ngā taonga Māori.

I haria mai te tauhou I nga hua kino mo tēnei whānau.

Ko tā Vernon Te Pou, “Te hokinga mai, i kite atu mātou i te matapihi e pakaru, ā mai reira i uru mai rātou ki roto. Kaore au i uru totika ki ngā ruma engari tiro noa iho me te whakāro, he aha ai ka tutu haere koe i ngā kakahu o ngā tamariki? Nō reira ka kite koe i ngā ahuatanga o roto rā te whanakohana, ahakoa ngā mea mō te reo rorohiko rā, ngā kakahu pepe, me etahi taputapu o te ngahere.”

I roto i ngā mahi tūkino nei, he mamae kino ano e ngaua ana i ā rātou. Hāunga i ngā perehana i haria, i haria ano ngā taonga Māori i mau ki runga i te Waka Taua, te kapa haka me `ēra i koha atu mai te whanau.

E ai ki a, Wairuaiti Tumai, “i hoatu ngā taonga mai ngā whanau, te taonga a Vernon, i hoatu tōna Mama kua mate ia.”

Hei tā Vernon Te Pou, “i tau noa iho taua whakāro mō taua taonga me te hitori o taua taonga i te pō rā, i te korero mai tōku tama 'e Pāpā kei hea tō pihi mai te poaka?' ka whakaaro 'e aua tērā pea kua haere' kaore au i whakāro 'tāku taonga' kaore anō kua kī mai ia ' i pirangi ahau i tērā i tetahi rangi.”

Atu i ngā taonga hangarau me ngā taonga Māori i whanakohia, i tahae hoki rātou i tetahi o ngā taonga e kore rawa e taea te whakahokia mai, he taonga mai te karanga whaea o Tangihia.

Hei tā Wairuaiti Tumai, “Tino mamae ana te manawa nā te mea ko etahi o ngā taonga i hoatu ki tōku tamahine mai i tōna whaea keke, ko tēra taonga te taonga whakamutunga mai i tēra whaea keke, nā te mea ko mate ia i ngā marama o mua.”

Ahakoa te māmaā o te whakatika i te whare, tē taea te kite e te whanau nei i te tika i roto i te tangata tukino.