Kaupapa: Education

He tangata kāenga kore ō mua e arahi ana i te hunga moe huarahi

  • Tāmaki Makaurau

Kua puta a John Heta i te rua mātao o kāenga kore kia tū hei māngai mō te hunga e moe ana i nga huarahi.

Hei tā Heta, ka taea e koe te takahi te huarahi tika nā te mea nāku kē tērā. I noho au i runga i ngā huarahi mō ngā tau e rima ko ngā tau 2009 ki te 2015 ēnā. kātahi ka whakakāenga au e Lifewise."

Hei whakautu i hoki atu ia hei kaitūao.

E ai ki a Heta, i haere mai ia ki kōnei ki te mahi tūao. I timata ia i runga i ngā taraka e pehipehi ana i ngā taputapu me te whakakāenga anō i te hunga kāenga kore. Kātahi ka whakamōhio mai nā rātou e piranga ana kia neke mai ahau ki te wharekai."

He kaimahi ia ki te Wharekai Lifewise Merge ki Tāmaki Makaurau.

Hei tāna, he nui ngā raruraru i tāua wā me te hunga kāenga kore, ā, ka tono mai kia mahi mai ahau i muri i te paemahi nā te mea e mohio ana rātou ki ahau nā tērā ka āhua whakatau mai ngā raruraru. Ā muri i tērā whai mahi tūturu ahau ki kōnā."

Kua kitea e John Heta te pari o tai awhi. Heoi, hei tāna, he nui tonu ngā mahi kei mua.

I kī mai a Heta, i roto i ngā tau e rua kua pahure ake, kua timata ngā hapori Māori communities ki te whakatūwhera i ō rātou marae, he mea pai tērā nā te mea he nui ngā tāngata kaenga kore ki Rotorua."

Ināianei ka aro atu a ia ki te hunga kua roa nei e moe ana ki ngā huarahi.