Ngā kaupapa: Crime, Rugby League

He taiohi 16 tau te pakeke kua hāmenetia mō te kōhuru i a Luke Tipene

Wepiha Te Kanawa
  • Tāmaki Makaurau

E weronga i a Luke Tipene he kaitākaro rīkī e mahuta ana i te pae. I haria atu te tūpapaku o Luke ki te karapu rīkī o Glenora Bears i tēnei rā, ki te wāhi i tipu ai āna pūkenga.

Kei te ohorere tonu ngā whanaunga me ngā hoa o Luke Tipene he tekau mā whitu tau te pakeke, e kimi tonu nei i ngā whakautu i tōna rironga.

Tata ki te rima rau ngā tāngata i mui i te karapū o ngā Glenora Bears, ko ētahi o ngā pae mate e tū ana ki waho.  Kei te waia tonu ētahi o ōna hoa ki ngā mahi kua hura.

Ka tū tētahi tama he tekau mā ono tau te pakeke ki ngā kōti rangatahi āpōpō, heoi kei te hāere tonu ngā mahi whakatewhatewha a ngā pirihimana.

Ka tū tētahi whakamoemiti āpōpō hei te tekau karaka i te ata ki te karapū rīki o Glenora, kātahi ka haria atu te whanau i te tūpāpaku o Luke ki te marae o Ohaki ki Ahipara.