He rua tekau ma whā tau mā Titford ki rō whare herehere

Dean Nathan
  • Te Tai Tokerau

Oho pai ana nga whanau o Waipoua kia rongo ake ko te ra tuatahi tēnei mo Alan Titford ki te herehere.

E rua tekau tau ki muri ko Pierre Lyndon tetahi o nga kairipoata I tūtaki atu kia Titford ki tona pāmu mo ana whakapae na te iwi tonu tōna whare i tahu.

Ko tā Lyndon, “Koia enei ko ana korero ki te ao ke ē tino hē ngā Māori he ana te mahi a Te Roroa kei te tukinohia a hau engari I Te ra nei te ahua nei tēnei tangata he mate wairua he mate wairangi ranei aua hoki engari e whakarongo ake nei kua kite e te Kōti Matua ko ana korero katoa mai I te timatanga he teka kamutu konei tana pamamae ki runga o Te Roroa.”

Ko te whakawhiu a te Kōti Matua mo Titford e tohu ana i te mutunga o tana nei whakararu i ngā kereme o Te Roroa. 

Engari taka mai ki te ra nei kei te tārewa tonu o ratou kereme i te hiahia a te Kāwanatanga iaianei kia hurihia te ngahere o Waipoua hei National Park.

Ko tā Kereihi Kereopa he uri o Te Roroa, “Kei te pupuri tonu nga whenua karekau e tukuna mai kit e whanau tuturu ne.  Me whakatikatika te haere o ngā mea whakahokihia mai ki te whanau hapū o tenei rohe.”

E tino marama ana iaianei, ehara hoki i te mea ko Alan Titford anakenake te kaiwhakatōroa i ngā kereme a Te Roroa.