Kaupapa: Christmas

He ringa āwhina tā te ohu Kai Collective

Aroha Treacher
  • Te Tai Rāwhiti

I ngā marama tekau mā waru kua hipa, kua tukuna e te rōpū nei he tekau mā iwa tana kai kua takohatia e ngā pakihi o te takiwā.

Hei tā Andrew Reygoud o Kai Collective, “Tērā ētahi kei te nui a rātou rawa, ā, kei te pïrangi tuku āwhina, hēoi kāore i te mōhio me tuku ki hea.”

Ka mahi ngātahi rātou ki ētahi umanga whitu tekau neke atu, ko ta rātou he tuku i ngā kete kai ki ngā whānau pohara puta noa i te rohe.

Ka tohatoha kai te ohu nei i te roanga o te tau, engari i te wā Kirihimete nei, e mahi ngatahi ana rātou ki tētahi atu rōpū āwhina e kiia nei ko Christmas Cheer.

Kua whakaritea he kai taketake, ētahi kinaki, he perehana hoki, hei mea takoha ki tōna rima rau whānau.

Katoa ngā mea he mea takoha, tae atu ki ngā waka kawe kai, nō reira, hari koa ana ngā tangata kātoa, nā te mea, ka penapena pūtea ngā pakihi, kua kore e mate ki te heri kai ki te ruapara, ā, ka whāngaihia hoki te hunga pōhara.