He rautaki whakakore whakamomori mō Te Matau a Māui

Aroha Treacher
  • Te Tai Rāwhiti

Ko te whakamutu atu i te mahi whakamomori ki Te Matau a Maui te kaupapa o tētahi rautaki e kōkirihia ana ki te rohe. He kaupapa i ahu mai i te matenga o nga mātātahi tokowhā ki Pāharakeke i te tau rua mano tekau mā tahi.

"Ko te rautaki kia tirohia ki ngā hapa o mua, hei akoranga mō te ara whakamua," tā Zack Makoare, CEO, Te Taitimu Trust.

Nāna i tuku whakaaro ki te rautaki, he rautaki i puta mai i te matenga o ngā kōhine tokowhā o roto noa i te tekau mā toru marama. I hanga ripoata hoki te kaitirotiro tūpāpaku.

"I toko ake te pirau, he mamae, engari nākona i puta ai he painga mō te hapori," tā Henare O'Keefe, kaikaunihera, Hastings District Council.

Kua whakarite rautaki pēnei te whare hauora o Te Matau a Māui mai anō i te tau rua mano tekau mā rima, heoi ko te rerekētanga o tēnei rautaki hōu ko te mahinga ngātahi ki ngā rōpū maha.

"Ko te nuinga o ngā tatauranga he tāne Māori, nā reira me whai whakautu tātou," tā Makoare.

"Kāore tēnei i te mutunga mai o ngā whakautu heoi kua rangitamiro mai ngā tāngata katoa," tā O'Keefe.


He mea whakatinana te rautaki nei i runga te īnoi a te kaitirotiro tūpāpāku.