Kaupapa: Water

He rautaki tā Te Maru o Ngāti Rangiwewehi e whakaora ai te kōaro

Mere McLean
  • Waikato/Te Waiariki

Kua riro te mahi nui mā Te Maru o Ngāti Rangiwewehi kia whakawhānui ake i te maha o ngā kōaro i te takiwā o ngā puna o Hamurana.

Ahakoa i ngā wā tata tonu nei, kua iti haere te maha o ngā kōaro, he uri tonu nō te inanga, ā, kua puta mai ngā āwangawanga a ētahi ka rite pea ki te moa ka ngaro, nā whai anō te whakaora i te rohe o Rotorua.

Ka tū mai a Hamurana hei āhuru mōwai mō tēnei momo taketake ki te takiwā o te puku o Te Ika a Māui.

He momo taketake tonu rā ngā kōaro (ki ētahi atu, he kōkopu) nō te whānau inanga, ā, ka tupu mai ki Hamurana. Engari, e kaha patu nei tō rātou oranga i ngā taraute me ētahi momo manu, nā ka uru mai a Fish and Game ki te kaupapa nei.

Nō te whakatūnga mai o tētahi ahuriri me te nekehanga o ngā taraute ki te pūaha awa o Hamurana, i kite ai a Ngāti Rangiwewehi i te pikitanga mai o te maha o ngā kōara i taua takiwā.

Mō te awe māpara te wawata a Ngāti Rangiwewehi kia rangahua tonutia te kōaro e mōhio ai tōna pīrere manu.