Kaupapa: Health

He rautaki hōu mā ngā wāhine āmaimai e whakamātauhia ana mō te mate pukupuku o te whare tangata

  • Tāmaki Makaurau

Koia nei te marama e whakatairangahia ana te mahi okoi i te waha o te kōpu, ā, e ai ki ngā tatauranga, kua heke iho te rahi o ngā wāhine Māori i haere kia whakamātauria i ngā tau e toru kua hori.

He rautaki hou hei whakatau i ngā wāhine āmaimai i ā rātou e whakamātautautia ana mō te mate pukupuku o te whare tangata.

E ai ki ngā tatau, i ngā tau e toru nei kua heke iho te rahinga o ngā wāhine Māori e haere ana kia whakamātautautia mā te rua tekau ōrau, ko te kaha maha tonu o ngā whakaaro pōhēhē te take.

Hei tā Ngaire Harris, “E mataku tonu ana ngā wāhine Māori ki te okoi waha whare tangata.  Ko te whakamātautau i te whare tangata he mea whakamā ki ngā wāhine.”

Ki te rohe o te Waitematā, ki te uru o Tāmaki, e kitea ana te tokoiti o te hunga wāhine Māori kei te whakamātauhia, wheoi, ahatia tērā e whakapau weraana ngā rātonga Māori o tēnei takiwā ki te whakapiki i ngērā tatau

E ai ki a Harris, “Ko ā mātou mahi hei kaha tautoko i ngā wāhine ki te haere mai, whakamātautauhia.  Kia āio hoki te wāhi whakamātautau, he kore utu mā ngā wāhine Māori.”

Otirā, he mate mōrearea e huna ana, ā, ka mate koe ina tureiti te kitea.

Ki tā Manuao Graham, “Kia kaha wāhine mā ki te haere mai ki te whakamātautau i te whare tangata.”