Kaupapa: Politics

He rautaki hei kapo i ngā tūru Māori kei te haere

  • Te Tai Tokerau

I te tau tōrangapū e roku ana i te pae, kei te huri te aro ki te kōwhiringa pōti ā-motu hei te tau hōu, waihoki, ngā rautaki e kapohia ai te wikitōria i ngā rohe pōti Māori.

He korero rautaki e horapa ana mo nga tuuru Maori, e mahi tahi ai etahi roopu e rua, ara, kia kaua e tuu kaitono ki te rohe pooti kotahi.

Hei tā Hone Harawira, "Kua tae mai te karanga kia noho au ki te taha o tētahi atu pāti hei kōrero ki tēnei ki kaupapa, kia tū koe ki tēnei tūru, kia kaua koe e tū ki tērā tūru."

E ai ki a Shane Jones, mā te taumata o runga o Reipa ēna whakatau. Engari, hei tāna, he ara pea e panaiatia ai e rātou te Pāti Māori.

"Kāre anō ahau kia tonoa kia haere atu i roto i tētahi whirihwhirnga pērā, runga atu pea i a mātou ngā kaitōrangapū, engari māku ki a koe mō te wāhanga ki te Pāti Māori hiahia ana."

Kāti, tē aro i tēnei kaiārahi takirua i a Te Ururoa Flavell.

E ai ki a Maria Bargh, mātanga tōrangapū ki te Whare Wānanga o Wikitōria, he rautaki koi, ā, ka whai hua a Reipa, engari me mataara anō te Pāti Māori me Mana.

E tika ana, ao ake i te kowhiringa pōti motuhake ki Ikaroa-Rāwhiti, i ara ake te kōrero pēna i tūhonotia ngā pōti a Mana rāua ko te Pāti Māori, kua kore a Reipa i wikitōria.

Āe mārika he tau hōu, he rautaki hōu pea kei te haere.