Kaupapa: Health

He ratonga rongoā Māori mō te rohe o Ukutoia

  • Tāmaki Makaurau

Nā runga i te mahi tahi a te Manatū Hauora me Ngāti Whātua Ōrākei Hauora, kua tūwhera he ratonga tuku rongoā Māori ki Ukutoia.

Ka kitea ngā ratonga hauora Māori e whakamahia ana ki te taha o ngā ratonga auraki.

Nā reira ko tētahi wāhanga o te whare, ka tirohia ngā tūroro e te tākuta, ka tukua ngā rongoā e tika ana hei whakaora i te tangata.

Ki tētahi atu rūma ka tirohia te tūroro e te tohunga, ka tukua ngā rongoā rākau mai ngā tamariki a Tāne, ka tukua ngā mirimiri ā-tinana, ka takia rānei ngā karakia ā-wairua.

He maha ngā hua ka puta i raro i tēnei kaupapa, ehara mō Ngāi Māori anake, engari mō ngā momo iwi katoa e noho ana ki te rohe.