He raru kua pupū ake mo Te Papa Toi

Mere McLean
  • Waikato/Te Waiariki

Kua tekau mā rua marama tētahi whawhai e rere ana mā tētahi kaiwhakahāere whare toi Māori ki Tauranga nā runga i tana whakamahi i ngā kupu 'Te Papa'.

Ko te ingoa o tana whare toi ko Te Papa Toi, heoi kua tau iho te rama a te ture nā tōna ōrite ki te ingoa 'Te Papa Tongarewa', he ingoa e tiakina ana e te ture. Heoi, e kore te kaiwhakahāere o Te Papa Toi mo te tuohu noa.

Kei te puku o te taone o Tauranga te whare toi o Te Papa Toi e tū ana, engari kua taka iho ki raro i te rama o ngā ture a Te Papa Tongarewa ki Te Whanganui-a-Tara.

Mo te kaiwhakahāere o Te Papa Toi a Puti Hauraki i hūnuku mai rāua ko tōna hoa tāne kua rere ki tua o Paerau ki Tauranga, whai muri mai i te rū whenua ki Otautahi i te rua tekau mā rua o Hui Tangaru i tēra atu tau.

Ka tuku a Te Papa Tongarewa i tā rātou reta ki a Puti Hauraki e pā ana ki ngā ture mo te whakamahi i ngā kupu 'Te Papa' - toru rau, ono tekau ma rima ngā ra ka noho tuwhera a Te Papa Tongarewa, he wāhi kāre he utu, heoi ana, e kore a Puti Hauraki mo te haukoti i te mana ki te whakamahi i te kupu Te Papa.

I te hiahia a Te Papa Tongarewa ki te whakatau i tēnei kaupapa, heoi na tçrâ e noho tarewa ngā mahi ā Te Papa Toi.