He rangatahi pūmanawa kua mate na te aitua waka

Mere McLean
  • Waikato/Te Waiariki

Kia tupato i runga i ngā huarahi. Koinei te āki a tētahi kaumatua kaare e tawhiti atu tāna noho i te waahi i tukia ai he waka, ā, ko te otinga atu, ko te matenga o Rickey Pettigrew, he tekau ma ono te pakeke.

Ko te huarahi o Hikurangi, i te raki o Katikati te waahi i mate ai tēnei mahuri tōtara o te ao whutupaoro, ā, i tae atu a Te käea ki reira i te rä nei.

He matenga te otinga atu o te tukinga o tētahi waka i nga ra whakataa o te reipa, ki te raki o Katikati. Ko Ricky Pettigrew, tekau ma ono te pakeke ka rere ki tua o Paerau, ā, ko tōna kāinga kāore i tawhiti atu i te kāinga o Bryan Nepia.

Ko tā Bryan Nepia o Ngāti Te Wai, “te whanau e tangi nei i tēnei ra, tēnei tamaiti he tino pai, kaare he taurekareka, kaare e hoki korero mai he tino haere ki te kura ki Katikati”.

He wā kua kite nei i te heketanga o ngā tatau mate rori i ngā rā o reipa ki te tokoiti noa, heoi katahi te otinga pouri ko te matenga o tēnei tamaiti.

E haere tonu ana ngā rangahau a ngā pirihimana i runga i te tiriti o Hikurangi te waahi i pā ai te aitua. Ki tā rātou he moata rawa te uta hamene ki runga i tēnei raru, heoi ano kei te hohipera o Tauranga tonu tētahi o ngā mema tokowhā i uru ki roto o tenei tukinga waka, ko tētahi atu kua puta mai te hohipera, ā, ko ngā korero i oma atu te tuakana o Rickey i te waahi aitua.

He tau tekau ma tahi a Ricky Pettigrew i te kāreti o Katikati, a, ko tōna moemoea kia uru ia ki te kapa Ōpango - ki ngā whakamahuki ka pungarehutia tōna tupāpaku, ā, ka noho ki te kāinga o te whānau ki Tahawai.