He rāhui wai kua whakaritea ki Waimarama

Aroha Treacher
  • Te Tai Hauāuru

E noho rāhui ana te mahi whakamākūkū i te whenua ki te papatai o Waimarama, i Te Matau-a-Maui. Nā te teitei rawa o te pā werawera i te wiki kua horī nei, i kaha whakamahia ai ngā puna rato wai. Engari, he kōrero anō tā te hunga kāre e whai hiko ana i te tukutuku hiko o te motu, kaare ranei e mapu wai mai ana i te puna wai o te taone.

Ae rā, kua rāhuitia e te kaunihera o Heretaunga te mahi whakamākūkū i te whenua mai i te puna wai matua ō te tāone, engari, ki a Kuini mā, he rautaki kē i ā rātou, kia ora tonu ai i te kaha wera o te raumati i Te Matau a Māui.

Kua tekau mā whā ngā tau a Kuini e noho kore hiko ana, e noho wehe ana i te puna wai o te tāone, engari, kei te mauri tau tāna noho ki Waimarama.

Kei taua takiwā hoki, ko Leeza, i tiki wai i tētahi puna wai kātata atu ki a ia, engari, kāore i pai hei inu.

Nā te maha o ngā whare i tango wai i taua puna, e hia kē nei ngā wā i noho kore wai kē ia, nā reira, i whakaritea e ia tētahi tāpu kohi wai i te ua.

Ko tā te kaunihera kōrero, i te wā o te rāhui, ka penapena wai tonu i ngā hikuwai o Waimarama hei patu ahi.