He rāhui tahu ahi kua puta i Te Hiku o te Ika

Dean Nathan
  • Te Tai Tokerau

Kua pau te marama e pokea ana Te Hiku o te Ika e ngā ahi mōrearea.  Koia ka tau he aukati ki te rohe whānui me tētahi tono motuhake ki ngā hapori Māori kia ū.

Ko tā te Kaitinei Ahi ko Miles Taylor, "He tini nga hapori Māori i te koraha kahore e tino rata ana ki ngā ture na reira e whai ana matou kia tino mohio ratou."

Na te kaha maroke o te whenua kua puta hoki te whakatau kia whai raihana ai te iwi ki te tahu ahi ki waho.

Kua pakeke rawa ngā ture ahi ki tēnei rohe no te matenga o te kaihautu wakatopatopa ki te ākau o Karikari i tēra tau. 

No tēnei ra he nui hoki te whaina ki ngā tāngata tahu ahi kore raihana, e timata ana i te rima rau tāra ā piki ana  ki ngā manomano tāra hei utu i ngā mahi katoa a ngā kaitinei ahi me te wakatopatopa.

Hei apopo ka pupū ake ngā taputapu o Guy Fawkes nā reira kua puta te tūpato a ngā kaitinei ahi ki te motu kia whakamahia tika kia kore ai tētahi e whara.