Kaupapa: Education

He pūtea tautoko hōū kua tukuna ki a Ngāruawāhia

Te Kāea
  • Waikato/Te Waiariki

Ka whakawhiwhia e Te Kura Tuarua o Ngāruawāhia i ētahi pūtea awhi, ki te whakakī i te turanga Tumuaki ki te whakapiki i ngā hua akoranga o ngā tauira.

Kei te hiahia Te Poari Whakahaere i tetahi e marama ana ki ngā tikanga o te takiwā, nā runga i te pātata o te kura ki te marae o Turangawaewae.

Ahakoa korekau tētahi e noho ana ki kōnei, ko te manako, ahakoa ko wai ka whakakii i te tūru, māna tonu e kawe i te kura ki te pae o angitu.

Ko Te Kura Tuarua o Ngāruawāhia tētahi o te tokorima o ngā kura e momou ana, ā kua tukuna he pūtea tautoko kia āhei rātou ki te rapu i tētahi Tumuaki hei hiki i ngā tauira ki taumata kē, hēoi, he maha ake ngā manako o Te Poari.

Kua uru mai a Lex Hamill hei tuku i ngētehi huarahi rereke, ā e kite mai ana ngā hua

Ko ēra kura ka whakawhiwhia te putea nei, me whakaatu i ngā hua i roto i te huarahi anga whakamua.