Kaupapa: BUDGET

He pūtea hou kua hāere ki te iwi Māori hei whakapakari i te ara hangarau

Dean Nathan
  • Te Tai Tokerau

I rewa ai te kamupene o Taitokerau Networks Limited i runga ano i te whai a te kawanatanga kia horahia te ipurangi ahotini hohoro ki te motu.

Hei tā Haami Piripi, “No te Māori tēnei taonga ā no ngā iwi na te putea o ngā iwi nei I whakapaua kia tu ai tēnei taonga he aha ai kia tatu pai ki waenganui I o tātou nei whānau kia kore e nui te utu kia taea e rātou te whakamahi he mama noa iho.”

He tuatahitanga mō Aotearoa, no tēnei wiki tonu ngā whakanuitanga a te kawanatanga mō te otinga o tēnei taonga ki roto o Whangarei me tana whakapuaki i tētahi putea e toru tekau miriona taara hei hapai ake i te iwi Māori whanui ki runga i te ara hangarau.

Hei tā Haami Piripi, “Koia tena ko te hiahia kia tae atu ki Waitiki ka whakawhiti atu ki Te Hapua kia kapia katoa ngā kainga katoa o Te Hiku o te Ika kia nohotahi ai ngā iwi katoa o Te Taitokerau I runga I tēnei kupenga.”

“Na te kawanatanga kē i tuku putea mai mō te kaupapa na matou ano i tautoko ake ma te mahitahi ka puawai mai he hua mō te katoa.”