Kaupapa: Environment

He putanga rāpihi kua whakatūhia ki tētahi pito whenua i te Tai Tokerau

Dean Nathan
  • Te Tai Tokerau

He putunga rāpihi i Waimā tētahi pito whenua, i whakaarotia e ngā tūpuna hei wāhi aukati i ngā hōia o te Karauna i tērā atu rautau, hei ringa kaha mō te ture utu tāke mō ngā kurī.  Nā, hei ēnei rā okioki ka whakapaipai te hau kāinga i tēnei whenua.

Hei tā Tony Makiha, “He kaupapa pai tana, kia hoki anō kia mahara matou ki ngā wāhi e tapu tonu ana i roto i o mātou whakaaro.  I tonoa mai ngā hōia i runga i te kaipuke mai Pōneke kia tau mai ki Rāwene me o rātou purepo i tōia mai ki Waimā nei e toru marama rātou e noho nei i konei e kohikohi ana i ngā pū o ngā hunga o konei.”

He wāhi hoki e tohu ana i te whakamutunga o ngā pakanga katoa i waenganui i te Māori me te Pākehā ki konei, e tika ana kia mahara.

Hei tā Patu Hohepa, “E tika ana kia whakapaingia ngā wāhi nei kia kaua anō e panga ngā otaota ki runga i ngā wāhi e mau tonu ana i te tapu o ngā tapuwae o o tātou mātua tūpuna.”