He pouwhenua kua hura i Te Moana a Tia

  • Te Waipounamu

Kua poua he pou whenua toi Māori ki Te Moana a Tia hei tohu i te 56 tau e haere ana te tari rangahau o Scott Base.

I inoia a Ngāi Tahu iwi kia hangaia mai te whakairo e 2m te teitei, ā, nō te Rātapu nei i riro mā Tā Mark Solomon rāua ko te Pirimia a John Key hei hura i te pou.

Hei tā te Tumu Whakarae o te Tari Rangahau ki Te Moana a Tia, a Lou Sanson, ko te nuinga o ngā kaimahi, he Māori, nā reira he tika tonu kia Māori anō te taonga.

Ā, hei whakakata i te iwi, i puta te kōrero a Tā Mark Solomon ehara tēnei mahi i te tohu e hiahia ana a Ngāi Tahu ki te tono kerēme mō tētahi pito whenua ki reira. 

Kairīpoata:  Lynette Amoroa