Ngā kaupapa: Commonwealth Games, Rereātea - Midday News

He porotū mō ngā tūkinotanga ki ngā tūpuna iwi taketake o Ahitereiria

updated Te Kapa ā-Tihi - Rereātea
  • Ahitereiria

I tutū te puehu, i te whakarauikatanga atu o tētahi ope iwi taketake o Ahitereiria ki waho atu i te taiwhanga o Carrara, ki te porotū i ngā Taumāhekeheke Hoa Whenua.

Tōna rima tekau ngā kaiporotū i āraihia atu e te hunga pirihimana, nō rātau e pupuru ana i ngā tohu mautohe, haki anō hoki.

I kōrero tō mātau kapa ki tētahi o ngā kaiporotū. Hei tāna, ko te raupatutanga o ō rātau whenua, me te kōhurutanga o ō rātau tīpua te take i tū kotahi ai rātau inapō. 

I whakapā atu a Whakaata Māori ki te Minita mō ngā take Taumāhekeheke Hoa Whenua, ki a Kate Jones mō tēnei take, engari kāore anō ia kia whakahoki kōrero mai.