He porotēhi kua kawea e Oil Free Otago ki te waka keri o Anadarko

  • Te Waipounamu

Tauihu ki te tauihu te tū totohe a ngā waka porotēhi a Oil Free Otago me te waka kōwiri a Anadarko inapō, ki te wāhi papa moana e tika ana ka keria e Anadarko i roto i a rātou rangahau kōhinu. Kotahi noa iho te wero a te hunga porotēhi, "whakamutua ngā mahi keri köhinu ki o matou moana!"

Ahakoa kua whakaaetia e te kawana kia kōwirihia ngā papamoana o Otakou e te kamupene hinu o Anadarko, i puta tonu te tira waka porotēhi, ki te whakaatu i to ratou whakatakariri ki ngā mahi keri köhinu.

Ko tā Brendan Flack o Kaitahu, “te Kaupapa o te haerenga ki te awa o Takaroa ki te awhi ki te tiaki i ngā tini a Tangaroa, ngā tamariki aTangaroa.”

Ko tā Niamh O'Flynn o Oil Free Otago, “ko tā matou he aro ki ngā pānga o enei mahi ki te taiao, hei ngā ra kei mua.”

Ko ngā māngai porotēhi, ngā mana whenua, me ngā kaitiaki mai te rohe o Otakou e kiia nei ko Oil Free Otago, i runga i te waka o Tiama, e wero ana i ngā rangatira o te waka kōwiri te Noble Bob Douglas, kia hoki ki te kainga.

Inaianei kua hoki mai ngā waka porotēhi ki te wahapū, engari kahore ano kia mutu te whawhai, ko te whakapono ia ka tutū tonu te puehu ia ratou e whakahē nei i te kaupapa.

Ko tā Niamh O'Flynn ano, “he ra poroteehi ka tu ki ngä tahamoana o te rohe hei tenei rahoroi, mo te hunga kihai i taea te puta ki runga moana.”