Kaupapa: Crime

He porotēhi e whakahē ana i ngā whakaritenga kōti e pā ana ki te matenga o Stephen Dudley

Heeni Brown
  • Tāmaki Makaurau

Nō te rā nei tū porotēhi ai tētahi māpu ki Kerehana i te uru o Tāmaki Makaurau, ki te whakahē i te whakatau o mohoa nei a te kōti, mō te matenga o Stephen Dudley.

Tā tēnei porotū, he whakahē i ngā whakatau e rua a te Kōti, i whakawāteahia ai ētahi tuakana teina, he tekau mā rima, he tekau mā waru tau hoki te pakeke, kia kore ai e tāngia he hāmene ki ō rāua rekoata.

Nā rāua a Stephen Dudley, he tekau mā rima tau te pakeke, i patu i tētahi whawhai whai muri i tētahi whakaharatau whutupōro i te kura. He mate manawa huna tō Stephen, ā, ao ake i te whawhai, ka mate ia.

Kīhai i kitea a Mona rāua ko Brent Dudley, ngā mātua o Stephen, ki tēnei porotū.

Engari, i tae mai ngā tini hoa, whanaunga hoki ki te tautoko i te kaupapa.

Ā, ko tā tētahi kaituhi-ā-ipurangi he kōrero i tēnei kēhi, he whāki hoki i ngā ingoa o te hunga patu i a Dudley.

Engari, tātemea e rāhui ana te whakaputanga o ō rāua ingoa, horekau hoki e āhei ana a Te Kāea ki te whaaki i ngā ingoa.

I tēnei wā, e whakaaro tonu ana te tari ture o te karauna pena rāinei me āpira te whakatau mohoa nei a Kaiwhakawā Helen Winkemann, tērā i tukuna whiu-koretia ai te tamatāne, he tekau mā waru tau te pakeke.