Kaupapa: Child Abuse

He porotēhi ā motu e whakahē ana i te mahi patu tamariki

  • Te Tai Tokerau

I takaia e tēnei hunga ō rātou waha hei tohu i te noho ngoikore o ngā kohungahunga e pākinotia ana e te ringa raweke.

Ahakoa he porotēhi wahangū tēnei, e kaha rangona tonutia ana te karere...Me mutu mārika tā ngā pakeke tūkino tamariki.

I a ratou e kawe ana i tā rātou karere, i tū te kaiako ō mua, a James Parker, ki te aroaro o te kōti o Kaitaia, nā runga i ētahi anō whakapae raweke tamariki.

Ahakoa te tawhiti o te whakawātanga i Tamaki Makaurau, e rongo tonu ana te tangata i te wairua o te whakaminenga nei.

I takahi hoki te hunga o Whāngarei i ngā tiriti ki te aukati i te patu tamariki. A i pera hoki ētahi kaitautoko i Heretaunga, i Poneke me Waitaha.

He huarahi roa tonu me takahi hei aukati i te patu tamariki, ā kaore e kore, he huarahi roa noa atu hei whai mā te hunga kua pākinotia.