He poroteehi e whakahē ana i ngā mahi a Anadarko

  • Tāmaki Makaurau
  • Te Tai Hauāuru

Kua whakatere atu ētahi o te tira kaipuke a Oil Free Seas ki tai.

He porotēhi kei te huapae, ki tētahi kaipuke keri hinu mai i te Kamupene o Anadarko.

Ko tā tētahi o ngā uri o Te Whānau a Apanui ko Dayle Takitimu, “Ko te kaupapa nei, ki te hāmama te waha, ki te tu ki te kōrero atu ki wēra atu kamupene me te Kāwanatanga kahore he pai tēnei tū.”

Kotahi anahe te rua ka keria ki ngā wai hohonu he kōtahi mano rau mita te hohonu.

Mena ka whai kiko te rangahau, ka whaia rawatia ngā mahi nei.

Ko te wāhanga tirohanga ā ēnei kamupene te wāhanga mōrearea rawa e ai ki ngā kaiporotēhi, nā te mea he nui ngā raru ka puta mō te taiao mena ka hapa ngā kamupene i roto i ā rātou mahi.  

Ko Te Whānau-a-Apanui tērā, i porotēhi atu ki te Kamupene Keri Hinu o Petrobras, i a Petrobras e rangahau ana i te riu o Te Raukūmara.

Hei tā te roia o te iwi, ko tētahi rautaki pea mō te hunga nei, kia whakaparako i te waitohu o Anardako.

E ono ngā kaipuke ka whakatōpū atu ki tai ki te porotēhi atu ki Anardako.

Ko te ture tērā, mena ka whakatutūpuehu ki takiwa o te rima rau mita mai i tētahi kaipuke keri hinu, ka taea e te ringa o te ture i whaina i te hunga whakatutū puehu, te tangohia mai raini i te Kaipuke.