He pātai kua puta e pā ana ki te pūtea kei te tukuna e te Kaunihera Matua o Tāmaki ki ngā kaupapa Māori

Heeni Brown
  • Tāmaki Makaurau

Inā te nui o te whāwhārua ki waenga i ngā hua e kōrerotia ana me ngā hua kua tutuki mō ngāi Māori i raro i te kaunihera o Tāmaki Makaurau.

Koinā te whakatau mai i tētahi pūrongo a Te Poari Māori ā-ture Motuhake o te Kaunihera.

Kua whai te poari kia toru tekau miriona tāra te wāriu o ngā hua Māori ia tau. Engari i te tau pūtea kua huri, he pūtea iti iho i tēnā kua tohaina, ā, he iti anō i tēnā kua whakapaua ki ngā whāinga Māori.

I tērā tau ōhanga, o te tata ki te whā miriona tāra o ngā pūtea a Te Kaunihera ā rohe o Tāmaki Makaurau mō ngā kaupapa Māori, he tata ki te kotahi miriona tāra anake i whakapoua ki ngā kaupapa Māori.

Ko tā te Kaunihera, kua arotake a KPMG i ngā tahua, ā, mēnā i whai hua ake ki ngā awhero mō te Māori.  Ka kōrerotia ēnei āhuatanga ki tētahi pūrongo ka whārikihia ki te komiti take pūtea, take hua mahi hei tērā marama.

Hei tērā marama ka kitea ake he aha te ara whakamua mā Te Poari Māori Motuhake me Te Kaunihera Māori.