Kaupapa: Environment

He para kei te whakaputa i ngā wai o Tūranga

Heeni Brown
  • Te Tai Rāwhiti

He whakaputa para te mahi a Te Kaunihera ā-rohe o Tūranganui ā Kiwa ki te awa me te moana o te takiwā.

Ko te mate anō hoki, kāre te koromatua, a Meng Foon, i mōhio ki taua mahi. 

Nā reira te pātai, nō wai te haepapa ki te whakapāho ki te hapori?

I te wā e marangai mārika ana te rangi, ka puare ngā paipa para, ka rere ko te tūtae ki te awa o Tūranga tae rawa ki te moana.

I tērā marama, nō te koiora moana a Ian Ruru te whai wāhi ki tētahi īmera nā te kaunihera.

E mea ana i te whakaputa para rātou ki te moana engari ka toko ake te tono kia whakamōhio i te hapori, engari auare ake.

Ka puare ana te paipa para i tētahi wā i runga i te kore mōhio o te tangata hoki, ka kohia e ngā whānau ngā mātaitai kua hora ki uta.

Ko te whakatau a te Puna Para o Tūranga, he toru taima i te tau kua pahure mārika ngā paipa para, na kua kore he whakamōhiotanga ki te hapori.

E ai ki te mea, horekau hoki ia i mōhio.

Iāianei, kua mataara a Tūranga ki ngā tuku para o te rohe.  Tā Meng Foon, he pai ake tēnei tukunga para ki tō ngā tukunga para ki muri.

Tā te mana whenua, ka aromatawaia tonutia e rātou ngā wai.