Kaupapa: Education

He painga mō ngā tauira o te Raki te kaupapa mātauranga o Ngātahi

Dean Nathan
  • Te Tai Tokerau

Ki raro i te kaupapa mātaraunga o Ngatahi koni atu i te kotahi mano ngā tamariki o Te Tai Tokerau ka poipoitia kia whakatutuki i o rātou moemoeā.  

Koinei hoki te aronga o te rōpū "I have a Dream" kua rewa ake ki Whangarei hei poipoi i te iwi ririki ki ngā taumata o te mātauranga.

Kii pai te kura tuarua o Tikipunga e te iwi ririki mō te rewahanga o te kaupapa mātauranga o Ngatahi.

Hei tā Kelvin Davis, MP o Te Tai Tokerau, "Kia whai rātou i ngā tino tihi o te mātauranga, arā kia whai tohu ki roto i ngā whare wānanga.  Ahakoa tamariki ana rātou ināianei kāre e roa ka puta rātou i te kura te tino moemoeā kia tae rātou ki ngā whare wānanga hei rapu i aua tohu."

Nō te kitenga i te hua o tēnei kaupapa i Amerika ka mauria mai ki Tāmaki whakamātauhia ai kia puta te reanga tuatahi o ngā tauira whakapōtae i Aotearoa.

He moemoeā anō kia whakawhānuitia tēnei kaupapa ki te hapori whānui.  Iaianei kua whiwhi ki te pūtea tautoko e rite ai te ara mō ngā tamariki o ēnei kura rawakore mō ngā toru tau e haere mai nei.

Engari kei te rapu tonu i ngā tauira, ngā kaiwhakaako me te tautoko hei kawe i tēnei kaupapa rangatira ki tōna otinga.

Ko tā Davis whakahau, "Ka nui aku mihi atu kia Scott Gilmour kia Antony Backhouse koira nga rangatira na ratou tenei i arataki i kokiri kia whai hua ai nga tamariki o Whangarei nareira he kaupapa tino ataahua rangatira rawa atu."

He kaupapa tēnei e ahei ai ngā mea ririki ki te whakatīnana i o rātou anō moemoeā.