Kaupapa: Technology

He pāinga ki roto i te mahi o Te Manatōpu Tārai Waka o Te Taitokerau

  • Te Tai Tokerau

Kua tuwhera kētia ngā tatau o te Kura Whakairo o Te Whare Wānanga o Kupe Mai Tawhiti ki Aurere, engari arā tonu tetahi atu wahanga o te Kura, e wawatatia ana kia whakaturia ake.

E ai ki a Jones, “Ma roto i te whakapakaritanga ki te moana, katahi ka tatu to rātou ngakau kia whai i tētahi huarahi hou kia whiwhi mahi ai kia pai ai ta rātou noho i waenganui i o rātou whānau.”

Hei ta te kaiwhakahaere o te Kaupapa Whare Wananga, hakoa kahore ano te Whare Wananga kia riro putea taunaki mo te hanganga mai o te Whare Wananga, mai tetahi tari kawanatanga, kua tata tutuki i a ratou te katoa o te putea hanganga.

I roto i tētahi atu ripoata, e mea ana, hei ta tētahi kaikorero mo Te Puni Kokiri kihai te tono a putea i whakāea, na runga i ngā whakarereketanga e kitea ana ki te Peka Māori o te Kawanatanga.

Hoino hei ta te Mangai Take Māori mo Reipa, e rata kē atu ana te Kawanatanga ki te tuku putea atu ki te Waka Kirihou, hei aha te Kaupapa Waka Tuturu.

Ko tā, “Engari ko ngā kaupapa kei roto i te Tai Toikerau kia whakatu i tētahi whare hei pupuru i te mauri me te matauranga o te waka, kei te whakahaweangia kei te whakahēngia.”