He pahū i whakamataku i te hapori o Ngawha

  • Te Tai Tokerau

I te ata hapara nei whakaoho mai ai ngā kainoho o Ngawha i Te Tai Tokerau i tētahi pahu nui e ahu mai ana i te teihana pungao Ngawha o Top Energy.

Ko te mataku o te hau kainga i pakaru mai ngā puungao o roto, heoi e ai ki a Top Energy, i tarapeke noaiho tētahi o ngā kati rere, me te mea nei kaore i puta ngā pungao ki te taiao.

Hei āpiti atu, e ai ki te māngai o ngā āpiha patu ahi i tae atu ki te pahūtanga i whakapaea, i tā rātou taenga atu he toru tekau mano rita pungao mewaro i papī ake, heoi e whakahē ana te rangatira o Top Energy i tēnei kōrero.

Ka tā Top Energy ka whakatewhatewha rātou i te pūtaketanga mai o te papī, hei reira mōhiotia ai mēnā he papīnga noa, he tohu rānei nā te wā.