He otinga pouri rawa na te mahi whakamauriri a tētahi kairiri ki Poihākena

Heeni Brown, Te Kāea
  • Ahitereiria

Tuatahi ka aro te titiro ki Poihākena, ki te wharekai i whakamauriritia e tētahi kairiri mo te tekau ma ono haora inanahi.

Ko te matenga o tētahi māmā me te kaiwhakahaere o te wharekai te mutunga mai. Ā, ka mate ano hoki ko te kairiri a Man Haron Monis. 

Muia ana te papa i ngā tohu aroha mō ngā tokorua i mate ki tētahi whare kāwhe i Poihākena.

Ko tētahi roia a Katrina Dawson raua ko Tori Johnson, te kaiwhakahaere o taua whare kāwhe a Lindt, ā, ka mate hoki ko te kai mauherehere a Man Haron Monis.

Ā, ko Aotearoa hoki tērā e tangi mōteatea ana mō ngā tāngata kua riro.

Nō te ata nei, ko te rere kariri tērā i tohu ai i te otinga o te mauhere ki te whare kāwhe o Lindt.

Tā ngā pirihimana e mea ana, i urutomo atu rātou ki i te whare kāwhe rā whai muri i te rongo ki ngā pū e parare ana.

I tīmatangia tēnei mahi mōrearea i te poupoutanga o te rā o inanahi, nā whai anō te tohutohu ki toona hunga mauhere kia tu ki nga matapihi mo te hia ke nei haora.

E ai ki a Tom McRae, kairipoata nō 3 News, kahore tētahi uri nō Aotearoa i mauherea.

Mō te roanga o tēnei rā, me tēnei wiki ahu atu ngā pirihimana ki te uiui i ngā mōrehu o tēnei parekura nui.