Kaupapa: Domestic Violence

He omanga 250km te roa hei whakatīpako i ngā mahi tūkino, patu ā-whānau

Mere McLean
  • Te Tai Rāwhiti

Kei te hiahia a Kahira Rata-Olley ki te whakapuaki i āna kōrero mō ngā mahi patu whānau, tūkino wāhine anō hoki.  

I noho te māmā nei nō Rotorua i roto i taua āhuatanga mō ngā tau maha, engari inaianei kua puta kē ia ki te ora, ā, kei te whakatikatika ia ki te oma i te rua rau rima tekau kiromita, ki te whakamataara i te iwi ki tēnei mōrearea nui.

Koia tērā e ārahi ana i te kaupapa, "Running to Stop it." Hei te marama o Whiringa a Rangi ka oma ia i Rotorua ki Pāharakeke, te wāhi i pāwherahia ai ia, i runga i tōna hiahia ki te āki i ētahi atu pārurenga kia kōrero mō ngā tūkinotanga i pā ki a rātou.

Kei Rotorua ia e noho ana, engari i hūnuku a Kahira Rata Olley ki Ahitereiria nōnā e rangatahi ana, engari i pakeke mai ia i Pāharakeke.  Ko tana hiahia kia tū tēnei kaupapa ia rua tau.  

Kei roto i ana tamariki, mokopuna te manako nui kia oma ia ki roto i tēnei kaupapa, na te mea e ai ki a ia.  He kaupapa tēnei mō o tātau tamariki hei ngā tau ki tua.  

Ka wehe a Kahira me tana kāhui tautoko i Rotorua hei te rua tekau mā rima o Whiringa-a-Rangi, ā, kua tuku ia i te pōhiri, kia piri atu ētahi anō hei hoa haere mōna.