Kaupapa: Domestic Violence

He omanga 250km o tētahi wahine nō Te Arawa hei tīpako i ngā tūkinotanga ā-whānau

Mere McLean
  • Waikato/Te Waiariki

Koinei te rā o te Rīpene Mā, ā, hei whakamana i taua kaupapa, e oma ana tētahi wahine o Te Arawa i te huarahi ki te whakatairanga i te kaupapa whakamutu i te mahi tūkino ā-whānau. 

He morehu a KahiraTe Rata Olley o te taitōkai, o te tūkino ā-whānau kei te hiahia whakaawe i ētahi atu kua rongo i ōna mamae.  Nō te ata nei ia ka wehe atu i Rotorua.

I te wāhanga tuatahi o tana oma, i whai wāhi te Minita whanake Māori, mema o Te Waiariki a Te Ururoa Flavell te whakamātautau i tōna tinana.  Hei tāna, "Me mihi ki a ia ka tika koia tērā i whakaaro ake ki te whakaara ake tēnei kaupapa i waenganui i ngā hapori Māori otira te motu, koia tērā i rongo hoki i te ngau o te ringa."

Ka whai wāhi hoki ngā pirihimana o Rotorua ki te whakahaere i tētahi oma mai i Rotorua ki Taupō hei tautoko i a "Running to Stop It".  Hei tā Olley ki te hiahia ētahi te piri atu, nau mai, haere mai. 

M1o Olley ka kapi i a ia te rua rau, rima tekau kiromita mai i Rotorua ki te rohe o Heretaunga, kei waenganui tēnei haerenga i te wha ki te rima rā te roa.  I te taha o tōna rōpū tautoko ka oma a Olley i roto i ngā wāhanga me tāna e manako ana kia kōrero ki ngā hapori ka hipa ia i runga i tōna haerenga.