He ngaronga nui mo ngā uri o Ngāti Whātua

  • Tāmaki Makaurau

He ringa raupaa mo tona Iwi, he kaimahi mo te iwi Māori whānui, nonapoo mate atu rā a Takutai Wikiriwhi, e 84 tau te pakeke.

Ko tā Ngarimu Blair o Ngāti Whātua, “Ahakoa te kaupapa ahakoa te take ahakoa te mahi mo Ngāti Whatua me te iwi Māori, kei reira ia.”

I pakeke mai a Takutai i waenga i tona iwi ake, i ngā rekereke o ōna kauheke o Ngāti Whātua ake, mo ngā uri whakaheke a te rangatira nei, koia tēra i kaha whāngai i aua akoranga me ngā mataapono ki ngā uri whakaheke o Ngāti Whātua, otira o te iwi Māori whānui.

E ai ki a Piripi Davis , “Ko tona pukenga akiaki mai ra me ki nei ngā rangatahi tu maia tu rangatirai runga i te marae.”

Kua roa nei a Takutai e whakapau kaha ana i roto i ngā momo turanga pou herenga mo ngā tari Hauora horapa i te motu, nawhai i kapia te marae o Orakei i ngaa torotoronga maha, i tēna pito, i tēna moka o te ao Māori, o te ao Hauora hoki.

Ka haria te tupāpaku ki t``ōna takotoranga whakamutunga ki te rohe o tona whānautanga i Oruawharo pātata atu ki Wakapirau hei te ata apopo, me te korero o te wā, ka nehua ki reira tonu, hei te Rāhoroi.